“Tekat” e klimës po rrisin urinë në botë, në Europë kryeson Shqipëria

Numri i njerëzve me barkun bosh është në rritje. Ndërsa, Shqipëria dhe Serbia kanë përqindjen më të lartë të njerëzve të uritur në Europë sipas raportit më të fundit FAO dhe Kombeve të Bashkuara..

Tekat e klimës po rrisin urinë në botë: në 2017-n, për të tretin vit me radhë, numri i njerëzve që vuajnë nga mungesa e vazhdueshme e ushqimit është rritur.
Ndryshimet e temperaturave dhe dukuritë natyrore si thatësira dhe përmbytjet, janë një nga shkaqet kryesore të krizës ushqimore, citohet në një raport të përbashkët nga pesë agjenci të Kombeve të Bashkuara.
Në 2017-n rreth 821 milionë njerëz vuajtën urinë, krahasuar me 804 milionë në 2016-n, ku Afrika ishte kontinenti më i prekur, me thuajse 21% të popullsisë të keq ushqyer, tha për AFP-në Dominique Burgeon, drejtori i emergjencave në Organizatën e Bujqësisë dhe Ushqimit (FAO).
Sipas të njëjtit kriter, 11.4% e popullsisë së pa ushqyer në Azi, 6.1% në Amerikën Latine dhe Karaibe, 7% në Oqeani, dhe më pak se 2.5% në Amerikën e Veriut dhe në Europë, nënvizohet në raportin e përgatitur nga FAO, IFAD, UNICEF, Programi Botëror i Ushqimit (WFP) dhe Organizata Botërore e Shëndetit (ËHO).
Në Europë, dy janë vendet që kanë më shumë uri se të tjerat, Shqipëria (5.5% e popullsisë dhe Serbia me 5.6%.
Rikthimi i trendit të urisë
Në nivel global, numri i “barqeve bosh” në vitin 2017 ishte i njëjtë me atë të para 10 viteve, gjë që pasqyron ndryshimin e trendit rënës në botë që prej 2015-s.
“Ne jemi të shqetësuar për përkeqësimin e situatës në Amerikën e Jugut, tha Burgeon, duke shtuar se Venezuela, e prekur nga një krizë e vështirë ekonomike.
Megjithatë, “kriza e ushqimit është më e pranishme në vendet në luftë, si Republika e Jemenit, ku 35% e popullsisë është e keq ushqyer, shtoi eksperti.
Raporti analizon në detaje “ndryshueshmërinë e klimës dhe ekstremet klimatike”, të përcaktuara si “faktorë kryesorë në rritjen e fundit të urisë në botë”.
“Gjithnjë e më shumë prova sugjerojnë se ndryshimet klimatike tashmë po ndikojnë në bujqësinë dhe sigurinë e ushqimit”, thotë raporti.
“Midis 1986 dhe 2006, ka pasur një rritje dramatike të fatkeqësive natyrore që lidhen me klimën, të cilat përbëjnë 80% të të gjitha katastrofave natyrore”, tha Burgeon: sezonet e hershme, të vonuara ose krejtësisht të zhdukur në disa vende të planetit kanë një ndikim të madh në të korrat e produkteve bujqësore “.
“Gjatë dhjetë viteve të fundit, 36% e vendeve që kanë përjetuar një rritje të kequshqyerit, gjithashtu përjetuan një thatësirë,” përmbledh eksperti.
FAO dhe OKB kanë sugjeruar  një sërë teknikash bujqësore për të zbatuar sipas konteksteve lokale për t’u përshtatur me ndryshimet klimatike, dhe për të ruajtur korrat.