Mbrëmjen e së martës së 18 shtatorit 2018, Komuniteti Shqiptar i Nju Jork-ut me rrethina, zhvilloi homazhe pranë arkivolit me trupin e të ndjerit Makensen Bungo, i cili u nda nga jeta në një spital të Nju Jorkut, ditën e shtunë.
Një grup vatranësh me kryetarin z.Dritan Mishto, i cili shoqërohej nga anëtari i kryesisë Zef Balaj, anëtari i Këshillit të “Vatrës”; studiuesi Idriz Lamaj, editori i Dielli; i paraqitën ngushëllimet bashkëshortes znj.Eglantine Bungo, djalit Dritan dhe zonjës së tij Brunilda e fëmijëve të tyre si dhe miqve dhe të afërmve. Ngushëllime familjes i përcolli edhe bashkëqytetari i të ndjerit z.Petraq Mishto, babai i kryetarit të “Vatrës”, i cili e ka njohur nga afër familjen Bungo dhe të ndjerin.