Nëse keni një ankesë për faturën e ujit, të energjisë elektrike apo të telefonit, nuk do t’ju duhet të prisni më pa fund për të marrë të drejtën tuaj.

Por jo vetëm kaq, edhe nëse blini një produkt, i cili më vonë rezulton me probleme, sërish paratë tuaja nuk do të jenë të humbura.

Këto mosmarrëveshje synon të zgjidhë projektligji “Për mbrojtjen e konsumatorit” i cili është diskutuar në Komisionin Parlamentar të Veprimtarive Prodhuese, duke vendosur rregulla afate të qarta për institucionet kompetente që merren me trajtimin e ankesave.

Por cila është rruga tjetër e ankimimit përveç institucioneve të trajtimit të ankesave? Komisioni i Mbrojtjes së Konsumatorëve me faqe zyrtare on line kmk.ekonomia.gov.al, është një dritare tjetër ku mund të paraqisni ankesën dhe të merrni zgjidhje.