Me syze firmato dhe me një makinë të re luksoze Xhisiela Maloku, është paraqitur sërish para gazetarëve dhe ka folur sot për ngjarjen e tritolit të vendosur në shtëpinë e gjyshit të saj.

Gjatë gjithë deklaratës së saj, ajo ka fajësuar Partinë Demokratike dhe opozitën.

Xhisiela ka dhënë një prononcim për gazetarët, të cilët kanë shkuar pranë shtëpisë së gjyshit të saj, por kësaj radhe ka folur nga gabina e një makine të bardhë.

Xhisiela nuk ka shkuar me taksi siç ka thënë herët e tjera për të folur për mediat, por është shfaqur në timonin e një makine luksoze.

Gazetarët i kërkuan Xhisielës që të dal dhe të fliste jashtë automjetit, por ajo ka preferuar të qëndrojë brenda makinës së re.

Mediat kanë treguar se makina është një ‘PEUGEOT 208’ e viti 2017.

Kjo makinë në gjendje të përdorur sipas kërkimeve në internet kap vlerën e 9 mijë eurove.

Ndërkohë që me kilometra zero tek koncensionari shkon deri në 19-20 mijë euro.

Makina ‘Peugeot 208’ me targa ‘AA 114 TT’, figuron e regjistruar në emrin e koncensionarit të makinave ‘Peugeot’ në Tiranë, ‘AVEL SHPK’ dhe jo në emrin e Xhisieles.

Po ashtu Xhisiela gjatë prononcimit nuk ka hequr dhe syzet e saj ‘Guçi’, të cilat nëse janë origjinale, kanë kosto prej rreth 400 eurosh, shumë që nuk justifikohet për një vajzë që nuk ka punuar ndonjëherë dhe që ka mbaruar një shkollë private./Mapo.al