Vetëm pas apelit të deputetit demokrat Luan Baçi, që ishte i pranishëm në vendngjarje, polumbarët e forcave RENEA nga Tirana kanë mbërritur në fshatin Ferras në kërkim të trupit të 59 vjeçares Manushaqe Nexhipi.
“Shteti nuk ekziston, askush nuk interesohet, banoret e zones kerkojne, te vetem.
I bej thirrje kryeministrit, te beje detyren, Policia e Fierit eshte inekzistente.”, shkruajti dje në facebook Baçi.
Polumbarët po kërkojnë në thellësi të lumit Vjosë në kërkim të trupit të pajetë të së ndjerës, e cila sipas familjarëve ka rënë në ujë mbrëmjen e së premtes.
Sipas familjareve, gruaja ishte e paralizuar nga njëra këmbë dhe njëra dorë, ndërkohë që vuante edhe nga skleroza.
