Ndërhyrja e 3 deputetëve të PD-së ka bërë të mundur lirimin e banorit të unazës së re që protestoi kundër prishjes së shtëpisë së tij.

Banori i liruar, Dorian Protoduari tha se e arrestuan me pretendimin për zhvillimin e një proteste të paligjshme dhe si organizator i saj. Por ai tha se në këtë protestë secili është organizator i vetes, pasi secili proteston për shtëpinë e vet.

Ndërsa deputeti i PD-së Flamur Noka, ka thënë se shoqërimi i Dorianit ishte një formë presioni për të kërcënuar banorët të ndalin protestat, po nuk do ia arrijnë dot. Banorët meritojnë të dëmshpërblehen deri në fund. Kjo formë e kërcënimit do të shtojë më shumë irritimin e banorëve dhe kjo protestë do të përshkallëzohet edhe më shumë.

Banorët thonë se protesta e tyre është e ligjshme dhe se qeveria është e paligjshme dhe se nuk do ndalen deri në fund.