Mediat pranë qeverisë kanë shpikur një lajm të pavërtetë se Partia Demokratike ka hapur një grup whatsappi për të koordinuar protestën dhe që sipas lajmeve të shpërndara nga Kryeministria, deputetë të PD-së, kanë urdhëruar bllokimin e “Zogut të Zi” për të mos lejuar studentët të marrin pjesë në një emision në TOP CH.
Por i menjëhershëm ka qenë reagimi i Partisë Demokratike duke i quajtur lajmet e pavërteta.
“Mediave u është shpërndarë nga qeveria një fotomontazh me emrat e disa drejtuesve të PD. Fotomontazhi ka për qëllim të tregojë se në PD është ngritur një grup që koordinon protestën e studentëve. Kjo është një sajesë e propagandës banale të Edi Ramës, i kapur nga paniku për shkak të protestave në të gjithë Shqipërinë. Jemi në dijeni se po ju bëhet presion për ta publikuar, por është në nderin tuaj, të mos bini pre e mashtrimit të trashë qeveritar. Ju keni çdo mundësi të bëni verifikimin tuaj të pavarur për të provuar se ky është fake news”, thuhet në njoftimin e PD-së.