Presidenti i Republikës, Ilir Meta, e ka mbyllur vitin 2018 me një takim me violinistin tonë me famë botërore Olen Çezari.
Në një postim në rrjetet sociale Meta falënderon të gjithë artistët shqiptarë për kontributin që dhanë gjatë këtij Viti të Skënderbeut për promovimin e shkëlqyer kulturor që i kanë bërë Shqipërisë kudo në botë.
"Është kënaqësi e madhe për mua që ta përfundoj këtë vit me violinistin tonë me famë botërore Olen Çezari. Me këtë rast i falënderoj të gjithë artistët tanë për kontributin e tyre të shquar gjatë këtij Viti të Skënderbeut për promovimin e shkëlqyer kulturor që i kanë bërë Shqipërisë kudo në botë. Bashkë me Olenin ngritëm një shëndet për të gjithë artistët tanë dhe familjet e tyre kudo ku ndodhen duke uruar suksese pafund në Vitin e Ri që po afron për të gjithë", shkruan Presidenti Meta.
