Tatimet do të nisin prej 17 prillit fushatën kundër informalitetit, ndërsa në sitën e kontrolleve do të kalojnë kryesisht bizneset e shërbimit, bare dhe restorante.

Aksioni i tatimorëve është njoftuar gjatë një takimi informal nga Drejtori i Përgjithshëm i Tatimeve, Enton Duro, me gazetarë, ku ka bërë të njohur disa nga prioritetet e punës së tij.

Kryesisht kontrollet tatimore do të përfshijnë bizneset e shërbimeve në zonat turistike, apo qytetet kryesore në vend, që kanë një prezencë të madhe të turistëve.

Burime nga administrate tatimore bëjnë të ditur se grupet e kontrollit do të synojnë përdorimin e kasave fiskale nga bizneset, duke dhënë kuponin tatimor për çdo artikull të tregtuar, por edhe evidentimi i dokumentacionit lidhur me mallin që kanë në posejdim.

Mësohet se kontrollet do të jenë të koordinuara edhe me institucione të tjera, veçanërisht në subjektet e kulinarisë, veçanërisht me cilësinë e produketeve.

Rreth 851 milionë lekë janë detyrimet që administratat tatimore ka për ti paguar eksportuesve për rimbursimin e TVSH-së, ndërsa fondi total për vitin 2019 është rreth 19 miliardë lekë.

Objektivi është që të shlyhen 1.7 mld lekë në muaj dhe të mos cënohet plani i rimbursimit.