Pas Sekretarit të Përgjithshëm të Partisë Demokratike, Gazmend Bardhi, i cili iu përgjigj sot maxhorancës për akuzat e përdorimit të dhunën në protestë me të tjera akuza, ka ardhur edhe reagimi i kryetarit të opozitës, Lulzim Basha.
Përmes një postimi në rrjetet sociale, Basha shkruan se, krerët e kësaj qeverie bande i pret burgu.
“Ne jemi deri në fund në krah të njerëzve që janë ngritur kundër qeverisë-bandë që bashkë me krimin dhe oligarkët ka vjedhur dhe dhunuar shqiptarët, ka shkatërruar demokracinë dhe shtetin ligjor dhe po kërcënon të ardhmen europiane te Shqipërisë! Fati i qeverisë-bandë është rrëzimi i saj! Krerët e kësaj bande i pret burgu që sot e kanë mbushur me protestues të pafajshëm!”, shkruan kreu i PD-së, Lulzim Basha.
