Parlamentarët holandezë kanë votuar në shumicë pro rikthimit të regjimit të vizave për Shqipërinë. Në procesin e votimit morën pjesë të 150-të legjislatorët e Kuvendit të Holandës, mes të cilëve 105 shprehën vullnetin për pezullimin e liberalizimit të vizave, ndërsa 45 të mbeturit e refuzuan propozimin.

Në total kanë qenë 9 parti politike (Partia Socialiste, PvdD, 50plus, VVD, SGP, CDA, CU, PVV, FVD) që dhanë 105 vota për të rikthyer vizat për shqiptarët.
Ky vendim, vërtet një lajm i keq për shqiptarët është kaluar me një ironi therëse nga gazetari Ylli Dylgjeri.
Ai poston një foto me shenjat ndaluese të qarkullimit të Don Kishotit pranë mullinjve të erës dhe e shoqëron me fjalinë:
“Integrimi
Nga sot, shqiptarët dhe Don Kishoti nuk hynë më në Holandë.” shkruan Dylgjeri.