Mikrofinanca vijon të rritet me ritme të larta. Ndërsa bankat kanë qëndruar vendnumëro me financimin e tyre në zonat rurale, hapësira po zhvillohet nga institucionet e mikrofinancës. FED invest, ka rritur mbi 18% numrin e anëtarëve të saj vitin e kaluar, ndërsa edhe  institucione të tjera fincanciare duket se kanë rritur prezencën e tyre.

Bazuar në modelin e bashkëpunimit financiar të anëtarësisë së vullnetare, FED invest po mundëson një gamë të gjerë produktesh dhe shërbimesh financiare për zonat më të thella.

Ajo raporton ҫdo ditë  mbi 60,000 anëtarë që i besojnë institucionit në të gjithë territorin e vendit. Me 62 degë, ajo mbulon mbi 2000 fshatra të vendit me një numër total anëtarësh 63 mijë. Vitine kaluar ajo dha gati 5700 kredi me vlere totale mbi 2.1 milliardë lekë.

Përfaqësuesit e FED invest thonë se, puna do të vijojë me të njëjtën filozofi sociale, duke shtuar dhe përmirësuar kapacitetet me investime të fuqishme në teknologjinë bankare. Anëtarët, kreditorë tek FED invest, së shpejti do të kenë  llogari rrjedhëse ndërsa pritet të zgjerohet gama e produkteve dhe shërbimeve të reja si pagesat utilitare, veçanërisht ndaj popullsisë rurale.

Në fund të vitit të kaluar, FED invest mori Certifikatën e Përputhshmërisë nga Komisioni Europian për sjellje të mirë në fushën e mikrofinancës.