Presidenti Ilir Meta ka marrë pjesë pasditen e sotme në 1 vjetorin e themelimit të Këshillit të Ambasadorëve Shqiptarë.
Në një foto të postuar nga vetë ai, Meta shihet i qeshur duke trokitur gotat me verë së bashku me ish-ministrat Arta Dade e Besnik Mustafaj, ndërsa shton se urtësia e këtij forumi meriton të mbështetet.
'Kënaqësi të uroja sot Këshillin e Ambasadorëve Shqiptarë për 1-vjetorin e themelimit të kësaj nisme, që me kontributin, përvojën, analizën e çmuar dhe këshillat profesionale po jep një ndihmë të vyer në çështje të rëndësishme të politikës sonë të jashtme. Urtësia e këtij Forumi gjithëpërfshirës meriton të mbështetet', shkruan presidenti Meta krah fotos.
