Një kroçerë e cila ishte duke lundruar në afërsi të gadishullit të Karaburunit, ka kërkuar asistencë mjekësore pasi kishte një të sëmurë në bord.

Ndërkohë, Kapiteneria e Vlorës pas thirrjes për ndihmë rreth orës 21:15 të mbrëmjes së kaluar ka njoftuar ambulancën e qytetit dhe policinë kufitare. 

Kroçera me emrin "Costa Victoria" mori udhëzim të afrohej në radën e portit të Vlorës dhe të merrte asistencën e kërkuar. Pas kësaj rreth orës 23:00 personi i sëmurë u dërgua menjëherë në spitalin e Vlorës.