Një aksident i rëndë ka ndodhur në aksin e vjetër Thumanë – Fushë Krujës, në afërsi të vendit të quajtur ish këneta.

Një autoveturë, me të cilën lëviznin disa djem, ka dalë nga rruga si pasojë e shpejtësisë së madhe.

Si pasojë ka humbur jetën Afmet Keqi, 18 vjeç, banues në Thumanë, ndërsa janë plagosur të tjerë.

Një prej të plagosurve është në gjendje kritike për jetën dhe është dërguar me urgjencë në Tiranë, ndërsa të tjerët po marrin mjekimin e duhur në spitalin e Krujës.

Informacioni i Policisë së Shtetit:

Krujë

Informacion paraprak

Më date 29.06.2019 , rreth orës 19:15, në fshatin Thumanë, Krujë një mjet tip Volswagen ka dalë nga rruga.

Për pasojë janë dëmtuar shtetasit A.K. 18 vjeç, i cili ka ndërruar jetë në spital dhe shtetasit A.N. 18 vjeç, U.L. 18 vjeç, A.M. 18 vjeç, dhe A.L. 18 vjeç, ndodhen nën kujdesin e mjekëve në Spitalin Ushtarak Tiranë.

Grupi hetimor po punon për sqarimin e rrethanave të ngjarjes.