Një zjarr i madh ka rënë në fshatin Boshanj të Ersekës. Raportohet se zjarri ka përfshirë një sipërfaqe prej 15 hektarë me dushk dhe pisha.

Si pasojë e flakëve, po digjet me shpejtësi një pjesë e pyllit mbi fshatin Boshanj, ndërsa zjarri vijon të jetë ende aktiv.

Deri më tani raportohet për shtatë vatra zjarri, ndërsa është shumë e vështirë ndërhyrja e zjarrfikëseve për shuarjen e flakëve, për shkak të terrenit të thyer.

Policia ka nisur hetimet për zjarrvënie të qëllimshme sepse dyshohet se banorët e zonës kanë nisur të pastrojnë ose të hapin toka të reja në pyll.