Ish-deputeti i Lëvizjes Socialiste për Integrim, Përparim Spahiu, përmes një postimi në facebook, ka reaguar për koncesionin e aksit rrugor Milot-Balldren, pas daljes së Raportit të Monitorimit, i cili jep detajet për nisjen e këtij projekti, i cili fillimisht u planifikua për një By-pass me kosto 24 milionë euro, një vlerë e papërfillshme krahasuar me projektin aktual të këtij aksi, i cili do t’i kushtojë qeverisë shqiptare plot 300 milionë euro.

Sipas Spahiut, “Inxhinierë shpjegojnë se nuk ka kuptim që një investim i tillë të bëhet në mes të një aksi ku standardet nuk janë të njëjta. Sipas tyre zgjidhja me by passin 4 kilometra ka qenë e studiuar dhe e pranuar paraprakisht nga qeveria shqiptare dhe është si e tillë në të gjitha dokumentet zyrtare të paraqitura për financim nga donatorët”.

Kështu, Spahiu akuzon qeverinë shqiptare se po vjedh pa kriter, për as diçka që hyn në punë.

Postimi i plotë i Spahiut

Milot-Balldren, përveç se një projekt korruptiv, ku një km do t’u kushtojë shqiptarëve 17 milionë euro, përveç se një projekt pa asnjë lloj transparence apo gare (kujtojmë që vetëm në dy km rrugë të ri-tenderuara u dha një vlerë prej 5 milionë eurosh më pak tek Astiri), përveç se ka akuza si projekt i pastrimit të parave, del dhe si një projekt i pa vlerë dhe i panevojshëm nga Raporti i Monitorimit.

Inxhinierë shpjegojnë se nuk ka kuptim që një investim i tillë të bëhet në mes të një aksi ku standardet nuk janë të njëjta. Sipas tyre zgjidhja me by passin 4 kilometra ka qenë e studiuar dhe e pranuar paraprakisht nga qeveria shqiptare dhe është si e tillë në të gjitha dokumentet zyrtare të paraqitura për financim nga donatorët.

Pra, mirë që grabisin pa iu dridhur qerpiku, por nuk bëjnë as diçka që hyn në punë. Se po ti kishit vjedhur këto para prsh në aksin Thumanë-Fushë Krujë do të kishit punë vetëm me ligjin por Veriu i Shqipërisë bashkë me Kosovën do të shpëtonin nga makthi, sidomos këtë vit, i trafikut me orë të tëra në atë segment.