Të shumta kanë qenë reagimet në rrjet për humbjen e Ergys Brahimaj, një nga dy punëtorët që humbi jetën nga shembja e skelës në kryeqytet. Mes tyre, është edhe një poezi me nota të dhimbshme për të riun, që është shpërndarë në Facebook.
“Në një vend që s’ka më shpresë, një Ergys duhet të vdesë”
Shembet skela, shembet bota.
U ça qielli, s’ka më Zota.
Heshti kënga e shqiponjës.
Humbi frymë në gojë t’ulkonjës.
Engjëll je, që re nga malet,
Tërë rininë ta mbytën hallet.
Engjëll je, erdhe nga qielli,
I mbështjellë me rreze dielli.
Tremben zogjë, thyhen kokalla…
S’kam më fjalë, m’u bën gërmadha.
Në një vend që s’ka më shpresë,
Një Ergys duhet të vdesë.
