Pas një fundjavë plot diell edhe java e re do të jetë po njësoj. Siç bëhet e ditur nga Sherbimit Meteorologjik Ushtarak, dita e hënë do të jetë me temperatura të larta dhe pa reshje.

Prej ditës së hënë e deri në mes të javës përgjithësisht parashikohet mot me diell.

Ditën e enjte pjesërisht në Veri do të nisin reshjet e shiut.

Paqëndrueshmëria në të gjithë territorin parashikohet ditën e premte.

Më së shumti reshjet do të përfshijnë pjesën jugore, aty ku hera herës do të krijohen kushtet për shtrëngata, rrebeshe me shkarkesa elektrike.

Kjo situatë gjatë së premtes do të sjellë dhe rënie të temperaturave si në grafikun e mëposhtëm.

Era do të fryjë e lehtë e përkohësisht mesatare përgjatë bregdetit duke u shoqëruar me valëzim të forcës 3 ballë.