Ish-drejtuesi i lartë i Policisë së Shtetit, Aleks Hajdari ka thënë në emisionin “opinion”, se dy qytete më problematike sa i përket kriminalitetit, janë Tirana dhe Durrësi. Sipas tij, më pas vijnë Elbasani dhe Shkodra, ndërsa Vlora njihet për ashpërsinë e grupeve kriminale.
Hajdari tha më tej se grupet kriminale përplasen për linjat e drogës, pasi është e vetmja mënyrë që të sigurojnë fitime të mëdha.
“Vrasësit me pagesë ka vite qe janë futur në Shqipëri. Nëse i referohemi situatës ka mungesë informacioni tek policia dhe kontrolli i personave me precedentë kriminalë. Këto përplasje vijnë për linjat e drogës, pasi këto linja janë e vetmja mënyrë që grupet kriminale të bëjnë fitime të mëdha për një kohë shumë të shkurtër. Po të mos ishte përplasje për linjat nuk do kishte një situatat të tillë”, tha Aleks Hajdari.
