Një aksident i rëndë ka ndodhur pasditen e sotme në Kukës, ku një pëson ka mbetur i plagosur. Sipas informacioneve paraprake, 31-vjeçari A.Gj, nga fshati Shqiqen është përplasur nga një makinë ndërsa ishte duke ecur me biçikletë.

Si pasojë e përplasjes A.Gj është plagosur dhe është dërguar menjëherë në spital, ku po merr ndihmë mjeksore.

‘Në aksin rrugor Kukës- Shtiqen, shtetasi E.B, banues në Kukës, duke drejtuar automjetin tip “Volsëagen” ka aksidentuar shtetasin A.Gj., 31 vjeç, banues në fshatin Shtiqen, i cili ka qenë duke udhëtuar me biçikletë.

I dëmtuari po merr mjekim në spitalin e Kukësit, i cili ndodhet në gjendje të rëndë shëndetësore.

Drejtuesi i mjetit është shoqëruar në Komisariatin e Policisë për veprime të mëtejshme proceduriale.

Grupi hetimor ndodhet në vendngjarje, ku po punon për shkaqet e aksidentit’, thuhet në noftimin e policisë.