Krimi i rëndë në Kavajë, identifikohet viktima, detajet e policisë

E Enjte, 10 October 2019 08:49

Një ngjarje e rëndë ka ndodhur në Kavajë ku një person ka vdekur dhe një tjetër është plagosur si pasojë e një konflikti për një grua.

Burime bëjnë me dije se personi i plagosur është efektivi i policisë Bledar Toçi, i cili është dërguar rreth orës 01:00 të mëngjesit në spitalin e Traumës në Tiranë në gjendje të rëndë për jetën.

Mësohet se Toçi dhe viktima, Dritan Haxholli kanë shkuar në të njëjtën kohë në shtëpinë e të dashurës së tyre, e cila kishte marrëdhënie me të dy, dhe kjo ka bërë që ata të nxjerrin armët dhe të qëllojnë mbi njëri-tjetrin.

Ngjarja ka ndodhur në lagjen numër 2 të qytetit të Kavajës, dhe viktima dyshohet që të jetë banor i zonës. Mësohet se gjatë konfliktit janë përdorur një armë pistoletë dhe një kallashnikov.

Njoftimi i policisë për vrasjen në Kavajë:

Rreth orës 00.40, në Lagjen nr. 2 Kavajë,  shtetasi D. H., banues në Kavajë, ka hyrë në banesën e shtetases M. Q.  Në banesë ndodhej dhe shtetasi B. T,  banues në Kavajë, punonjës i Policisë së Burgjeve.

Shtetasi D.H. është konfliktuar me shtetasin B. T. dhe si pasojë shtetasi D.H ka qëlluar me armë në drejtim të shtetasit B.T duke e plagosur atë.  Shtetasi B.T me armën e shërbimit ka qëlluar në drejtim të shtetasit D.H i cili ka ndërruar jetë në vendngjarje.

Shtetasi B.T, ndodhet jashtë  rrezikut për jetën.

Grupi hetimor po vijon punën për sqarimin e mëtejshëm të rrethanave të ngjarjes.

Modifikuar më E Enjte, 10 October 2019 09:03

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Lotaria Amerikane/U shty për shkak të pandemisë, pritet sot dalja e përgjigjeve

Aktualitet

Lotaria Amerikane/U shty për shkak të pandemisë, pritet sot dalja e përgjigjeve

  Të gjithë ata që kanë aplikuar për lotarinë amerikane dhe iu është dashur të presin dhe një muaj më tepër do të mund të mësojnë nga sot nëse janë fitues. Ndonëse...

FOTO/ Thaçi selfie me Ramën: Me Edin si çdoherë, pa protokoll...

Politikë

FOTO/ Thaçi selfie me Ramën: Me Edin si çdoherë, pa protokoll...

Gjatë vizitës së tij në Tiranë, presidenti i Kosovës Hashim Thaçi është takuar edhe me kryeministrin Edi Rama. Përmes një postimi në Facebook, kreu i shtetit në Prishtinë shkruan se takimi...

Gjykata e Apelit kthen në detyrë anëtarin e KPA-së, Luan Daci

Aktualitet

Gjykata e Apelit kthen në detyrë anëtarin e KPA-së, Luan Daci

Gjykata e Posaçme e Apelit kundër Korrupsionit dhe Krimit të Organizuar vendosi të ndryshojë vendimin e Gjykatës Kundër Korrupsionit dhe Krimit dhe ta rikthejë në detyrë anëtarin e KPA, Luan...

Sondazh

Nothing found!

Sondazh

Nothing found!