Bëhen publike taksat për të vizituar Venecian/Në rast se nuk paguani do gjobiteni me 450 euro

E Enjte, 10 October 2019 14:55

Autoritetet e qytetit të Venecias, kanë njoftuar që duke filluar nga vera e ardhshme, do të vendosen taksa për të vizituar këtë vend kaq të mbipopulluar nga turistët. Taksa, të cilën Këshilli i Venecias po e quan “një kontribut për hyrje” në një nga vendet e Trashëgimisë Botërore, do të fillojë në 1 korrik. Qëllimi i kësaj takse, kaq shumë të diskutuar, ka në fokus kontributin për sa i përket mirëmbajtjes së qytetit, nga miliona turistë që zbresin në ”La Serenissima” çdo vit.

“Qëllimi është të përmirësojmë cilësinë e jetës së banorëve,” tha Luigi Brugnaro, kryetari i bashkisë së Venecias, në fillim të këtij viti. “Ne nuk kemi për qëllim të mbledhim para nëpërmjet këtyre taksave’’– ka theksuar ai.

Sipas autoriteteve, kur ky vendim të hyjë në fuqi, turistët do të paguajnë 3 € gjatë sezonit të ulët, 8 € gjatë sezonit të lartë dhe 10 € gjatë periudhave “kritike”, siç janë fundjavat verore, kur numri i vizitorëve arrin nivelet më të larta.

”Taksa nuk do të zbatohet për venecianët ose njerëzit që vizitojnë qytetin për të studiuar ose punuar” tha Michele Zuin, një zyrtar i qytetit.

Të ardhurat nga tarifa do të përdoren për të kompensuar tarifat e larta që paguajnë venecianët për shërbime të tilla si mbledhja e mbeturinave, e cila është më e shtrenjtë për shkak të kanaleve të qytetit. Taksa do të zbatohet për turistët që mbërrijnë me anije lundrimi, taksi uji, aeroplan ose tren. Ata do të jenë në gjendje të paguajnë tarifën në internet me një kartë krediti ose nga makinat “të instaluara në pikat strategjike” përreth Venecias. Këshilli nuk tha se çfarë ndëshkimesh do të zbatohen për turistët që nuk paguajnë tarifën, megjithëse në shkurt autoritetet sugjeruan se ata do të goditen me gjobë deri në 450 €.

Deri në vitin 2022, përveç pagimit të taksës, turistët do të duhet të bëjnë një prenotim në internet për të hyrë në Venecia.

Modifikuar më E Enjte, 10 October 2019 14:58

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

”Do të ketë shumë pjesëmarrje”, Maliqi: 2 marsi pasohet nga protestat masive të opozitës.

Politikë

”Do të ketë shumë pjesëmarrje”, Maliqi: 2 marsi pasohet nga protestat masive të opozitës.

Deputeti i opozitës parlamentare, Lefter Maliqi i ftuar në rubrikën ”Opinion” në News24 ka thënë se manifestimi i Metës më 2 mars do të ketë pjesëmarrje masive, pasi ai vetë...

“Nuk marrim frymë”, mjeku reanimator jep detaje për helmimin e nxënësve në Fier: Presim analizat për të zbuluar të vërtetën

Aktualitet

“Nuk marrim frymë”, mjeku reanimator jep detaje për helmimin e nxënësve në Fier: Presim analizat për të zbuluar të vërtetën

Mjeku reanimator, Kliton Gjerazi, jep detaje për dërgimin me urgjencë në spital të disa nxënësve të gjimnazit në Fier. Mjeku hedh poshtë pretendimet se nxënësit mund të jenë helmuar, duke...

Pamje nga stërvitjet e ushtrisë amerikane, momenti kur me mitralozin e montuar në helikopter rrëzon dronin në det

Globi

Pamje nga stërvitjet e ushtrisë amerikane, momenti kur me mitralozin e montuar në helikopter rrëzon dronin në det

Lufta kundër dronëve dita-ditës është duke u bërë prioritet për forcat e armatosura në mbarë botën Fluturaket pa pilot kanë filluar t’ua fusin frikën për sulme të befasishme ushtrive të fuqive...

Sondazh

Nothing found!

Sondazh

Nothing found!