Banorët e Unazës së re nuk i tremben ashpërsimit të ligjit të Edi Ramës i cili po përdor të gjitha mënyrat për të mbyllur protestën më unike të zhvilluar ndonjëherë në Shqipëri, kundër një projekti të korruptuar që nxjerr nga shtëpitë e tyre mbi 500 familje.
Ata sot, pas arrestimit kriminal të tre banorëve që morën pjesë dje në protestë, dorëzuan njoftimin për zhvillimin e protestave të përnatshme. Dokumentet e dorëzuara u japin lejë banorëve të protestojnë deri në datën 16 tetor. Më pas ata do të dorëzojnë kërkesa të tjera për të protestuar çdo ditë sikundër kanë bërë 11 muajt që nga nisja e kësaj proteste.