Një operacion i gjerë antidrogë i ndërrmarrë nga policia italiane në Raguza, ka vendosur në pranga 10 persona, midis të cilëve edhe shqiptarë.

Rrjeti kriminal përbëhej ndër të tjera edhe nga italianë, tunizianë dhe algjerianë.

Trafiku i drogës përdorej për të furnizuar kryesisht kryeqytetin krahinor Ragusa si dhe disa bashki në provincën e tij, duke përfshirë Marina di Ragusa, Santa Croce Camerina, Donnalucata dhe Vittoria me marijuanë, hashash, kokainë dhe heroinë.

Mediat italiane shkruajnë se përpos arrestimeve, policia po heton dhe më gjerë, për persona të dyshuar të përfshirë në këtë trafik të drogave të forta.

Në këtë operacion të koduar  “Country Hide”, morën pjesë 50 karabinierë.  

Të akuzuarit akuzohen për tregti droge, por edhe për vjedhje, të kryera në disa ferma lokale. Të arrestuarit kishin krijuar gjithsej 4 banda, me anëtarë të etnive të ndryshme dhe vepronin në komuna të ndryshme të Raguzës.

Shqiptarët e arrestuar janë Mesar Ruçi 44 vjeç i cili është shoqëruar në burg si edhe Francesko Liko 26 vjeç, Artur Liko 26 vjeç të cilët do të qëndrojnë në arrest shtëpie.