Një aksident me pasojë vdekjen e një personi ka ndodhur këtë mbrëmje në aksin Sukth-Maminas. Sipas informacioneve paraprake, një makinë ka përplasur një këmbësor. Ky i fundit për pasojë ka ndërruar jetë.

Identiteti i viktimës ende nuk bëhet me dije por mësohet se ai ka mbetur i vdekur në vend menjëherë pas përplasjes. Sipas raportimeve nga vendngjarja, viktima është 73 vjeç.

Drejtuesi i automjetit mësohet se është shoqëruar në ambientet e komisariatit për veprime të mëtejshme hetimore. Policia dhe grupi Hetimor ndodhen në vendngjarje për të zbardhur rrethanat dhe shkaqet e aksidentit.
Njoftimi i Policisë

Durrës/Informacion Paraprak

Më datë 25.11.2019, ora 18:11, në rrugën dytësore Sukth-Maminas, mjeti tip “Benz” , me drejtues shtetasin E.N.,47 vjeç, ka aksidentuar një këmbësor, shtetasin B.P.,73 vjeç, banues në Goxhas, i cili ka ndërruar jetë.

Grupi hetimor po punon për zbardhjen e shkakut të aksidentit. Drejtuesi i mjetit është shoqëruar në ambjentet e Policisë për veprime të mëtejshme.