Rëndohet bilanci i viktimave nga tërmeti, ministria e Mbrojtjes konfirmon se deri tani 13 persona kanë humbur jetën nën rrënojat e pallateve të shembura në Durrës dhe Thumanë, ndërkohë vijon puna për nxjerrjen e personave të tjerë të ngelur nën rrënoja.

Dy personat e fundit të pajetë janë nxjerrë nga rrënojat e ndërtesave të shkatërruara në Thumanë duke e çuar në 5 numrin e personave që humbën jetën, ndërsa 4 viktima janë shënuar në Durrës dhe 2 në Kurbin.

Tragjikisht është konfirmuar se edhe një oficer policie ka humbur jetën. Bajram Hadarmataj, ka humbur jetën për shkak se është zënë nga rrënojat tek Kavaleshenca. 

Ai ishte pedagog ne Akademine e Sigurise.

Gjithashtu raportohet se mbi 300 persona po marrin ndihmë mjekësore në Tiranë dhe në Durrës, dhe fatmirësisht raportohet se gati 30 persona janë shpëtuar nga rrënojat deri më tani.