Një pjesë e banorëve në zonën e Shijakut, pas tërmetit të 26 nëntorit kanë mbetur në qiell të hapur, pasi banesat e tyre janë shkatërruar nga tërmeti.

Banorët shprehen të shqetësuar pasi akoma nuk kanë marrë zgjidhje në lidhje me problemin e tyre, ndërkohë që ekspertët që kanë mbikëqyrur pallatin i kanë dyzuar edhe më tepër.

Ato nuk kanë një version zyrtar se çfarë do të bëhet me shtëpitë e tyre, ndërkohë që u është thënë se objekti mund të riparohet, por ato nuk ndihen të sigurt pasi siç shihet edhe nga pamjet pallati është shumë i dëmtuar.

    “I futi një xhiro kryeministri bëri ca gallatë! Me thotë mua gjej gru. Shqipa më thonë një është e banueshme një është e pabanueshme. Kam që kur ka rënë tërmeti bukë ha me lekët e mia, sepse unë nuk kam makinë për të shkuar që ti marr. Banorët e tjerë kanë ikur tek miqtë e vet. Ku të bëhet mbledhja unë kam një muaj që rri në këtë pallat të shkatërruar.

    Unë me fëmijët e mia nuk futem dot këtu. Pallati ka ikur me një krah. Na thanë është me rrezikshmëri të lartë. Të paktën tan a japin zgjidhje o të rrim o të ikim. Këtu kanë ikur të gjithë, kolonat kanë dalë të gjitha. Thërrmohet me një kaçavidë! Ja e shikon!”- u shprehën banorët.