Prej gati dy vitesh banorët në Pezë Helmes kundërshtojnë ndërtimin e  një fabrike bitumi.

Ata thonë se vënia në funksion e kësaj fabrike sjell probleme me shëndetin dhe se bashkia e Tiranës ka dhënë lejen pa u konsoltuar me ta.

"Gjithë zona këtu nuk e pranon".

"Nuk na ka pyetur njeri këtu, e kanë sjellë vetë pa dijeninë e fshatit."

Ora News u interesua te drejtori i Drejtorisë së Përgjithshme të Mirëmbajtjes në bashkinë e Tiranës, Elton Kacidhja,i cili pretendon se banorët kanë rënë dakort dhe me ta janë bërë dëgjesa publike.

"Janë bërë dëgjesa. Fshati me 3000 veta, se dolën 100 veta kundër…Çfarë do të thotë kjo?"

Banorët akuzojnë drejtuesit e bashkisë se kanë gënjyer pasi distanca e banesave të atyre që kanë qenë pro kësaj fabrike nuk është reale.

"Fshatarët po ti mbledhësh të gjithë nuk kanë hedhur firmë, me përjashtim ata që janë në bashki, polici bashkiake, këta kanë firmos."

"Banorët kanë gënjyer me vendndodhjen".

Funksionimi i kësaj fabrike për momentin është pezulluar pasi çështja është në gjykatë ndaj banorët kërkojnë drejtësi.