Kryeministri i Britanisë së Madhe, Boris Johnson deklaroi në konferencën e radhës se koronavirusi mund të zmbrapset brenda 12 javëve të ardhshme.
“Jam absolutisht i sigurt se mund ta ‘paketojmë’ virusin në këtë vend. Ne do e kthejmë dallgën brenda 12 javëve të ardhshme”, tha ai.
Johnson tha se shkencëtarët britanikë po punojnë me shpejtësi për të kuptuar më mirë sëmundjen, në mënyrë që ta luftojnë atë.
Ai zbuloi po ashtu se pacienti i parë me koronavirus është vendosur në testim për një ilacc që mund të shërojë sëmundjen.
Po ashtu, Johnson tha se vendi po bëhet më i mirë në testimin e sëmundjes.
