Punonjësit e një fasonerie në Berat janë hedhur në protestë ditën e sotme për pagën e luftës.
Teksa janë mbledhur para drejtorisë së Tatim Taksave, punonjësit njëzëri kanë kërkuar që të paguhen për muajt që ky biznes ka qenë i mbyllur për shkak të pandemisë së koronavirusit.
Sipas tyre, ata nuk kanë marrë asnjë page lufte, edhe pse emrat e tyre figurojnë në sistem si përfitues.
Punonjësit deklarojnë se fasoneria u mbyll për shkak të pandemisë dhe ata qëndruan dy muaj pa rrogë e pa pagë lufte. Siç shihet dhe nga pamjet e siguruara për ‘BalkanWeb’ nga gazetarja Eneida Petova, protestuesit janë mbledhur në grup para Tatimeve, ndërsa nuk kanë respektuar distancimin social.
