Rrjetet sociale kanë shpërthyer me ironi dhe zemërim pas komenteve të kreut të Policisë së Shtetit, Ardi Veliu mbi dhunën barbare mbi një adoleshent. Veliu fajësoi nënën e adoleshentit, pasi tha se ajo kishte foto të papërshtatshme në rrjetet sociale.

Mjekja e njohur, vajza e ish-deputetit socialist Namik Dokle, Anika Dokle, reagon pas skandalit të sotëm të Drejtorit të Policisë së Shtetit, Ardi Veliu.

Dokle nuk kursen ironinë lidhur me deklaratën e Veliut ditën e sotme në Komisionin e Sigurisë ku tha se djali i dhunuar vjen nga një familje jo e rregullt, duke e ilustruar me një video të shkëputur nga jeta e saj private.

Sipas mjekjes, duhen fshirë fotot me rroba banjo nga Facebooku në mënyrë që të mos i ngelë vajza pa martuar.

"Nga çfarë familje vjen ky fëmija..."

Po heq nga FB fotot ku kam dalë me rroba banjo (pa to ka kush del), duke tymosur ndonjë cigare, e "dehur" pas ndonjë gëzimi familjar dhe shoqëror, po heq fotot e zborit me pushkën model 52 në krah, se jo për gjë, por do më mbetet dhe vajza pa martuar.

Ma va....!", shkruan mjekja e njohur në postimin e saj.