Gazetarja e prestigjozes Forbes Shellie Karabell ka bërë një lapsus në fillim të shkrimit të saj për Kryeministrin Edi Rama. Ajo shkruan “ Kryeministri shqiptar Edi Rama mbërriti në zyrën e tij në Tiranë për intervistën tonë, i veshur me ato që ai i quajti “rrobat e tij të pikturës”- bluzë dhe pantallona xhins, me ngjyra të lehta.
“Edi Rama e kaloi mëngjesin e ditës pushim në atelienë e një miku, ashtu siç bën njëherë në muaj, -përpara një kanavaci duke ndjekur pasionin e tij, që ishte profesioni i parë para se të bëhëj Kryeministër nga Partia e Punës në vendin e tij 2013.” shkruan gazetarja e prestigjozes Forbes. Shellie Karabell, ndoshta duhet të ishte informuar më mirë për të raportuar në shkrimin e saj emrin e saktë të partisë së Kryeministrit Rama. Partinë Socialiste ajo e ka ngatërruar me Partinë e Punës.
