Presidenti i Kukes Televizion, njekohesisht biznesmeni Lutfi Meçka i cili rezulton në listën e personave të shpallur në kërkim nga policia në lidhje me protestën e së shtunës në Rrugën e Kombit pasi akuzohet se ka bërë “thirrje për dhunë” në një prononcim për ‘Fax News’ dhe Kukes Televizion ka sqaruar pozicionin e tij ku ka deklaruar se ai gjatë gjithë kohës kishte bërë thirrje që protesta të jetë paqësore.
Meçka tha se kur ai kishte arritur në protestë situata ishte e tensionuar dhe ai ishte ngjitur në podium dhe kishte bërë thirrje që policia të mos qëllohej por situata kishte eskaluar.
Lutfi Meçka u shpreh gjithashtu se për Rrugën e Kombit duhet që Shqipëria të diskutojë edhe me Kosovën pasi kjo rrugë është edhe në funksion të çështjes kombëtare dhe është e papranueshme që të vihet një tjetër kufi mes dy vendeve.
Pyetjes se përse nuk dorëzohet në polici pronari i televizionit të Kukësit iu përgjigj se ai ndodhet në zyrën e tij dhe policia mund të shkonte ta arrestonte.
