Instituti i studimeve politike ka publikuar listën e deputetëve që kanë dhënë dorëheqjen nga mandati i deputetit.

Në listën e 19 deputetëve të dorëhequr shumica janë dorëheqje taktike, kryesisht të imponuara nga partia politike ose për shkak të synimit të posteve ekzekutive (në fundin e mandatit). Nga dorëheqjet e tjera, kemi tri raste të deputetëve që kanë dhënë dorëheqje pa arsye specifike, kryesisht për të vijuar aktivitetin privat tregtar ose për të refuzuar mandat në një periudhë të shkurtër kohore.

Në total në 28 vite janë rreth 70 deputetë që kanë dhënë dorëheqje nga mandati, shumica absolute e tyre për arsye taktike (emërim në poste të tjera, kandidim në zgjedhje lokale apo papajtueshmëri në funksion), ndërkohë që kemi të paktën 15 raste të deputetëve që kanë dorëzuar mandatet nën akuzë direkt (si individ) ose indirekte (si subjekt politik) apo në kuadër të dekriminalizimit dhe papajtueshmërisë së vlerësuar nga Gjykata Kushtetuese.

Më poshtë keni listën e plotë të deputetëve që janë tërhequr nga mandati i deputetit: /55news.al/

/