Rastet e shqiptarëve që kanë humbur jetën menjëherë pas kthimit në Shqipëri sepse ju është refuzuar azili është shtuar shumë kohët e fundit. Rasti i fundit është i të riut të vetëvrarë duke u hedhur nga ballkoni, pasi masakroi me thikë babanë dhe nënën në shtëpinë ku jetonin prej 10 ditësh në Tiranë, vetëm para pak ditësh ishte kthyer nga Gjermania.

Ky dhe rasti i Marjo Majollarit, 28-vjeçarit që u vra nga gjakmarrja menjëherë pas refuzimit të azilit nga Suedia tregojnë se jeta e të rinjve shqiptarë është në një rrezik të madh.

Cili është fajtori kryesor i këtyre vdekjeve?

E kush tjetër përveç qeverisë? Rasti i Marjos tregoi më së miri se mosdorëzimi i dokumentave nga shteti shqiptar dhe mungesa e sigurisë së jetës në vendin tonë shkaktoi vdekjen e 28-vjeçarit.

Ndërsa për rastin e Brian Skraparit, djaloshit të vetëvrarë para dy ditësh duket se shkaktar i vdekjes është stresi i cili mendohet se i ishte krijuar nga gjendja e familjes së tij.