Vendosmëria e Ramës për të mbyllur dosjen e Maminasit ka bërë që kompentenca e gjykimit të pasohet nga një Prokurori në tjetrën. Ditën e djeshme, Gjykata e Durrësit e ridërgoi sërish për gjykim çështjen në Prokurorinë e Krimeve të Rënda

Dosja e kontenierit me 613 kg kokainë u dërgua pak ditë më parë për kompetencë gjykimi në Durrës, por tashmë do të rikthehet për hetim në Prokurorinë e Krimeve të Rënda. Me një vendim të fundit Gjykata e Lartë ka mbajtur një tjetër qëndrim ditën e djeshme  në raport me procedimet penale dhe çështjet në gjykim në Gjykatën e Krimeve të Rënda e ato në Prokurorinë e Krimeve të Rënda. Sipas një vendimi të datës 4 prill Kolegji Penal i Gjykatës së Lartë tashmë i mbledhur më qëllim njësimin e praktikës gjyqësore, nisur nga qëndrimet jo koheretente të mëparshme të trupave gjykues me tre apo me 5 gjyqtare, ka vendosur  që çështjet penale që kanë qënë në kompetence e mëparshme të Gjykatës së Krimeve të Rënda të regjistruara para datës 1 gusht 2017 do të vazhdojnë të gjykohen përkatëshit nga Gjykata e Krimeve të Rënda. Edhe procedimet penale të regjistruara në Prokurorinë e Krimeve të Rënda para datës 1 gusht do të vijojnë të hetohen dhe gjykohen nga kjo prokurori  e kjo gjykatë, deri në krijimin e Prokurorisë së Posaçme Antikorrupsion. Çështjet në hetim të regjistruara pas datës 1 gusht që nuk janë në kompetence e Gjykatës së Posaçme Antikorrupsion e Krim i Organizuar nga Gjykata e e Juridiksionit të zakonshëm.