Korça pret këtë fundjavë me mijëra turistë dhe pelegrinë që duan të pushojnë apo festojnë Pashkët në këtë qytet. Atmosfera e festës është ndjerë prej ditësh me ritet e kësaj dite të rëndësishme, panaireve dhe aktiviteteve të ndryshme të organizuara. Pas ceremonive fetare, pas udhëtimit në natyrën e veçantë të Korçës, Dardhës dhe Voskopojës, pas shijimit të kulinarisë tradicionale, mbrëmja në Korçë ofron një seri aktivitetesh në pazarin e ri por edhe në shumë ambiente të tjera.