Edicioni i tretë i festivalit “South Outdoor”, në Borsh

Premte, 05 Prill 2019 13:20

I kthyer tashmë në traditë, festivali “South Outdoor” do të zhvendoset këtë vit në një nga fshatrat më piktoreskë të rivierës shqiptare, në Borsh. Festivali në edicionin e tij të tretë në datat 26-29 prill sjell 4 ditë të mbushura me aktivitete sportive e kulturore, muzikë, traditë, natyrë dhe kuzhinë tipike shqiptare. Fshati mikpritës i k këtij viti shquhet për potencialin agro-turistik, historinë, kështjellën mbi kodër, ullishtet dhe prodhimin e vajit. Vendndodhja kryesore e festivalit do të jetë mes këtyre ullishteve, rreth 400 m nga bregu i detit. Përveç aktiviteteve që janë zhvilluar edhe në edicionet e tjera, ky vit rezervon më shumë adrenalinë për pjesëmarrësit me aktivitete të reja si: Hot Air Balloon, Trike Flying, GaraStand Up Paddling, Sailing, Paddleboard Yoga si dhe Individual Stand Up Paddling. Hiking në shtegun e luleve Viola është një tjetër risi, ndërsa aktivitetet Flyboard dhe Jetpack do ta bëjnë eksperiencën e pjesëmarrësve akoma më të paharrueshme.

Gjatë ditëve do të zhvillohen mjaft forume tematike si forumi 100 fshatrat, diskutime të organizuara me sektorin privat dhe përfaqësues të qeverisë mbi zhvillimin e qëndrueshëm të turizmit. Nuk do të mungojnë panairi i produkteve lokale dhe artizanit, ndërsa një tjetër ekspozitë me ushqime të zonës do të zhvillohet ditën e diel, me rastin e festimeve të Pashkës. Mbrëmjet vijojnë me një maratonë me performanca muzikore live. Artistët pjesëmarrës janë grupi legjendar“Elita 5”, Alban Nimani, “All in Band”,Venera Lumani dhe Lindi Islamisi dhe Urban Band. Festivali “South Outdoor” është nismë e GIZ përmes programit “Zhvillimi i Qëndrueshëm i Zonave Rurale”, financuar nga qeveria gjermane. Drejtuesja e programit znj. Anke Petersen tha se qëllimi i këtij festivali është krijimi i një modeli të qëndrueshëm, i cili do të bëjë të mundur zgjatjen e sezonit turistik, duke nxjerrë në pah atraksionet e shumta të rajonit, të cilat mund të shijohen më së miri edhe jashtë sezonit veror. “South Outdoor”realizohet në bashkëpunim me operatorë turistikë shqiptarë që punojnë prej vitesh në sektorin e turizmit. Aktiviteti mbështetet nga Ministria e Turizmit dhe Mjedisit, Agjencia Kombëtare e Turizmit dhe Bashkia Himarë.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Biberaj: Mesazhi i Bejker ka të njëjtën jehonë sot sa edhe 30 vjet më parë

Politikë

Biberaj: Mesazhi i Bejker ka të njëjtën jehonë sot sa edhe 30 vjet më parë

  Nga Elez Biberaj ‘Liria funksionon’  Në një vizitë historike në Tiranë, si sot 30 vjet më parë, më 22 qershor 1991, Sekretari amerikan i Shtetit James Bejker mirëpriti Shqipërinë në Botën e...

Tabaku publikon shifrat e BB dhe BERZH: Shqipëria e dyta në botë për korrupsion!

Politikë

Tabaku publikon shifrat e BB dhe BERZH: Shqipëria e dyta në botë për korrupsion!

  Jorida Tabaku, deputetja e zgjedhur e PD, ka denoncuar sot faktet e rënda mbi korrupsionin në Shqipëri, që pasqyrohen qartë në raportet e fundit të dy institucioneve të fuqishme financiare...

Fatbardh Kadilli pranon humbjen: Nuk largohem as do krijoj parti të re

Politikë

Fatbardh Kadilli pranon humbjen: Nuk largohem as do krijoj parti të re

  Fatbardh Kadilli shpalli i pari ambicien për të marrë kreun e PD-së por në zgjedhjet e të dielës u rendit i fundit ndër katër kandidatët. Para mediave, ai tha se zgjedhjet...