Ekspozita shqiptaro-rumune është çelur në Qendra Kulturore "Lasgush Poradeci" në Galerinë e Arteve të këtij qyteti. Pikturat e artistëve pogradecarë, por edhe tre piktorëve rumunë u prezantuan për të gjjithë artdashësit dhe vizitorët.
Dy shtete, secili me kulturën dhe traditën ndryshe janë bërë bashkë në një takim në galerinë e arteve në Pogradec në ekspozitën shqiptaro- rumune.
Kjo ekspozitë e titulluar "Pikëtakim artistik" bën bashkë pikëtorët pogradecarë, por edhe tre piktorë rumunë, dy prej të cilëve nuk jetojnë.
Piktori, Nicolae Ionescu, e prezantoi më së miri treshen e artistëve.
“Realiteti që na rrethon, gjithë ndryshimi mes njerëzve, komuniteteve në mënyrën e jetesës, na jep këtë gëzim të njohjes. Do të ishte shumë monotone nëse do të ishim njësoj edhe ne artistët. Përveç punimeve të mija janë prezente edhe të artistëve, që fatkeqësisht nuk janë në jetë por janë të gjallë ëprmes punimeve të tyre”.
Piktori, Anastas Kostandini, tha se komunikimi përmes artit mbetet një gjë e mrekullueshme.
Pjesë e kësaj ekspozite janë disa nga veprat e piktorëve të mirënjohur rumun dhe shqiptarë Ion Murariu, Aurel Acasandrei, Nicolae Ionescu, Vangjo Vasili, Gentian Zeka, Anastas Kostandini si dhe Miron Topçiu.
