Gjergj Prevazi sjell “No Time”

E mërkurë, 07 August 2019 11:23

“No Time” titullohet shfaqja më e re e koreografit Gjergj Prevazi. I njohur në skena për punën e tij me artistët, këtë herë në vëmendje të koreografit të njohur është një bashkëpunim në Itali. Një shfaqje për të cilën po punon prej disa kohësh me kërcimtarët nga Italia dhe nesër në mbrëmje pritet që premiera të jetë në skenë. Gjergj Prevazi shprehet se para një muaji filloi të inskenojë koreografinë e tij më të re të titulluar “No Time”. “Shfaqja është një kërkim artistik bazuar në ripërsëritjen në formë spirale dhe ciklike të disa fenomeneve historike dhe sociale. Koncepti i shfaqjes mbështetet tek imazhi kozmik i rrethit, që është edhe imazhi i parë njerëzor në perimetrin e të cilit parakalojnë fitimtarët e të humburit, kriminelët e viktimat, dhunuesit e të dhunuarit, të gjallët e të vdekurit. Qendra e tij, në këtë rast, është metafora e barazlargimit ndaj së keqes e të mirës, ndaj krimit e ndëshkimit, ndaj joshjes dhe rezistencës, ndaj dashurisë e urrejtjes”, pohon koreografi për këtë vepër që nesër do të jetë për publikun. Premiera do të jetë për publikun në hapësirat arkeologjike ambientet të qytetit antik Paestum, në afërsi të Salernos në zonën e Campanias (me qendër Napoli), por koreografi Gjergj Prevazi shprehet se nuk do të mungojë edhe për publikun në Tiranë. “Shpresoj, që kjo shfaqje të prezantohet edhe në Tiranë, por kjo i përket vitit 2020”, pohon ai. Duke folur për këtë shfaqje, koreografi Prevazi një nga emrat e vlerësuar në skenën shqiptare, por dhe jashtë, shprehet mes të tjerave se produksioni është mjaft profesional dhe gjithmonë i gatshëm të suportojë procesin artistik. “E them këtë se tek ne në përgjithësi, pjesa e produksionit nuk është në nivelet e kërkimit artistik, madje shpesh bëhet pengesë apo frenim në zhvillimin e tij”, vijon më tej Prevazi. Ndonëse ka pasur plot eksperienca të tjera me kërcimtarë dhe kompani të huaja si gjermane, zvicerane, italiane, turke, serbe, maqedonase e boshnjake, çdo punë artistike sipas koreografit Gjergj Prevazi sugjeron qasje specifike dhe konkrete, varësisht karakteristikave e potencialeve psiko-fizike të kërcimtarëve apo dhe tematikave përkatëse. Sipas, tij, puna me 10 kërcimtarët e kësaj kompanie italiane, është në vetvete një sfidë profesionale. “Angazhimi, që kam marrë në këtë rast, me përball me nivele bashkëkohore të shkollës se dansit europian, që padyshim konfirmojnë ose sfumojnë nivelin e njohurive të mia profesionale. Dua të nënvizoj se shkolla italiane është djepi i dansit klasik e më vonë atij romantik, që ka ditur të përftojë në kohë edhe prurjet moderne e kontemporane”, pohon koreografi. Pas një pune disa javore, koreografi Prevazi shprehet se është arritur të krijohet një atmosferë mjaft pozitive me të gjithë kërcimtarët.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Dafina Duti bëhet nënë për herë të dytë

Lifestyle

Dafina Duti bëhet nënë për herë të dytë

Në shtator të këtij viti, këngëtarja Dafina Duti tregoi për here të parë se ishte në pritje të ëmbël. Këngëtarja u shpreh e emocionuar se nga martesa e saj e...

“Dokument nga 9 vende të BE për zgjerimin”, Gjosha: Propozimet të jenë më konkrete, të ketë afate e mbështetje financiare

Politikë

“Dokument nga 9 vende të BE për zgjerimin”, Gjosha: Propozimet të jenë më konkrete, të ketë afate e mbështetje financiare

Ish-ministrja e Integrimit Klajda Gjosha flet për një dokument të përgatitur nga 9 vende të BE për procesin e zgjerimit si një alternativë ndaj dokumentit francez të dalë më herë. Ndërkohë...

Rrëfimi prekës i babait: Xhesika sikur e kishte ndjerë vdekjen nga tërmeti

Aktualitet

Rrëfimi prekës i babait: Xhesika sikur e kishte ndjerë vdekjen nga tërmeti

Lëkundjet e errëta të 26 nëntorit zgjuan njerëzit nga gjumi. Frika, nxori jashtë shtëpive mes mijëra shqiptarëve edhe Xhesika Biqikun. Teksa dilte, në terr tullat e pallatit goditën në kokë...

Sondazh

Nothing found!

Sondazh

Nothing found!