Akademia e Shkencave uroi përzemërsisht shkrimtarin Ismail Kadare, i cili, pas një gare të gjatë u shpall fitues i konkursit vjetor 2019 për çmimin që jepet nga Fondacioni "Toji" i Koresë së Jugut dhe mban emrin e shkrimtares së njohur koreane "Pak Kyongi".
Ismail Kadare u shpall fitues i këtij çmimi midis 350 konkurrentëve.
Në vitet e mëparshme këtë çmim e kanë fituar shkrimtarë amerikanë, rusë, hebrenj dhe nga rajone të tjera të botës.
Akademia e Shkencave uron anëtarin e saj me rekorde të shquara europiane e botërore për këtë mirënjohje të re domethënëse, që rikonfirmon përmasën e tij tashmë ndërkontinentale.
