Së shpejti pritet të publikohen këngët pjesëmarrëse në Festivalin e TVSH-së në dhjetor.

Me gjithë kritikat, fjalët e thashethëmet rreth edicionit të këtij viti, asgjë ende nuk dihet për këngët dhe bashkëpunimet që do të vijnë në këtë festival.

Si gjithmonë, kush e fiton festivalin udhëton drejt Eurovizionit të vitit 2020 ku do ta përfaqësojë Shqipërinë.

Është çështje e ditëve se kur do të dalin këngët, të cilat këtë vit do të dëgjohen edhe para festivalit që do të mbahet me 19, 20 dhe 22 dhjetor.

Emrat që po përfliten se do të mund të triumfojnë në festival janë Elvana Gjata, Arilena Ara dhe Olta Boka, por nuk mund të mos e harrojmë edhe Kamela Islamajn, Uendi Mancakun, Tiri Gjocin e Era Rusin, edhe këto vokale të fuqishme që do të jenë pjesë e këtij edicioni.