Ministria e Kulturës po shkatërron institucionet, artistët përballë injorancës...

Hënë, 30 Prill 2018 12:55

Asgjë nuk po funksionon siç duhet. Pseudoreforma e ministres së kulturës po jep frutet e veta. Të ndërrosh vetëm drejtorin nuk është reformë. Asgjë tjetër nuk ka bërë kjo ministri e vetë Kumbaro në mandatin e saj të dytë. Më konkretisht:

Teatrin Kombëtar protestat vazhdojnë. Artistët janë të pasigurt për “reformën” dhe godinën. Ministria nuk del dot para tyre e të gjejë zgjidhjen, pasi “zgjidhjen” e ka vetëm Rama në dorë.

Artistët e Cirkut Kombëtar protestojnë sepse mendohet që Cirku Kombëtar të kalojë me bashkinë, mund të përgjysmohet trupa dhe nuk dihet fati i Cirkut. Thuhet se do të shkojë dhe te Liqeni, por ende nuk ka asgjë konkrete, dhe artistët vijojnë punën edhe pse nuk dinë asgjë se çfarë do të ndodhë nesër.

TKOB vijon arratinë e tij dhe herë pas here gjen skenën e Pallatit të Kongreseve. Artistët mezi shkojnë në “punë” dhe veprat e tyre janë thjesht sa për të mbushur kalendarin.

Teatri i Kombëtar i Fëmijëve është në pikën e tij më të ulët, pasi nuk ka shfaqje dhe vijojnë sherret e mëritë mes artistëve.

Biblioteka Kombëtare vijon “pushimet”, nuk shërbehet si më parë, me raste, që pas zjarrit “aksidental” që dogji fonde të konsiderueshme por që nuk e çan kokën njeri e askush nuk mbanë përgjegjësi. Bëhen ca aktivitete formale që nuk janë objekti i saj i mirëfilltë, por ndihmëse.

GKA ka një kalendar që punon, me ekspozita të parashikuara, por nuk ka asnjë investim serioz në salla, në mirëmbajtje apo restaurime e muze.

Pra sot jemi në një gjendje që institucionet po shkojnë në rrënim, të lëna pa investime, pa buxhet, pa infrastrukturën e duhur, sepse ndër vite kanë munguar politikat e duhura. Kanë munguar paratë për institucionet e artit nga Ministria e Kulturës, zëri i artistëve asnjëherë nuk është dëgjuar dhe është bërë një monolog nga Ministria e Kulturës dhe jo një dialog me artistët. Ministrja e Kulturës, Mirela Kumbaro nuk ka pas dialogun e kërkuar me artistët, nuk ka pasur transparencë në atë ministri në një kohë që dhe ligji për artin dhe kulturën u përgatit pa u zhvilluar konsultime me artistët.

Në institucione ka mungesë menaxhimi, nuk janë gjithmonë të angazhuar artistët që duhen, kemi dhe vepra të dobëta në disa raste. Pra duhet të bëhet një politikë më e shëndoshë, më transparente me artistët. Ka institucione ku janë dhënë dhe projekte aty ku nuk duhet. Në fund të fundit kjo është filozofia e kësaj qeverie e kësaj ministre. F. Slatina

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...