Muzeu Kombëtar ka marrë rolin e Galerisë Kombëtare të Arteve

Hënë, 28 May 2018 08:24

Ka kohë që MHK ka marrë rolin e GKA, pasi prej kohësh aty nuk po ekspozohen e nuk ka gjallërinë e dikurshme. Mesa duket në GKA po bëhet shkencë…?!

Ndaj edhe ekspozita e radhës e piktorit dhe skenografit Roland Karanxha u hap në MHK, ashtu si shumë ekspozita të tjera, kohët e fundit. Ekspozita "Vazhdimësi" me 114 punime prezantohet për publikun në Muzeun Historik Kombëtar. Në këtë ekspozitë personale piktori Roland Karanxha përfaqësohet me punime, të cilat sjellin për të gjithë artdashësit peizazhet, portretet, natyrat e qeta dhe të gjitha eksplorimet e tij, që ka bërë në qytete të ndryshme të Shqipërisë, në sitet shqiptare kulturore dhe kudo që e bukura i ka tërhequr syrin prej artisti. Piktori Roland Karanxha, i cili ka një aktivitet të njohur në art, tregon se në synim kryesor në punën e tij ka pasur krijimin e një individualiteti artistik. “Në mozaikun përmbledhës të karrierës sime profesionale, si synim parësor kam pasur pasqyrimin dhe krijimin e një individualiteti artistik origjinal, që karakterizon personalitetin tim dhe të punës time”, pohon artisti, që këtë herë vjen për publikun me ekspozitën personale “Vazhdimësi”.  Në Muzeun Historik Kombëtar janë prezantuar 114 punime të piktorit, i cili bashkë me ekspozitën e tij personale bëhet pjesë e jetës artistike të Tiranës. Piktori Roland Karanxha tregon se në rrugëtimin  e tij me krijimtarinë në art vlerësimet në pikturë kanë qenë shoqëruese. “Synimi përfundimtar i rrugëtimit tim artistik ka qenë pjesëmarrja në evente apo fitimi i çmimeve të ndryshme  aq sa ka qenë formimi i profilit artistik të dallueshëm, i cili do të ishte njëkohësisht marka R.K”, vijon artisti. Në vijim të aktivitetit të tij artistik piktori Roland Karanxha ka marrë pjesë në të gjitha ekspozitat kombëtare  në Tiranë, mes tyre dhe dy ekspozita që janë personale. Por me veprën e tij në art ai është pjesëmarrës dhe në ekspozita të tjera të përbashkëta me autorë. Veprat e tij janë prezantuar dhe në ekspozita në Greqi, Maqedoni, Bullgari Rumani, etj. Një vit më parë në Tiranë piktori prezantoi një tjetër ekspozitë me veprat e tij në galerinë e artit FAB këtë herë nën titullin “Arratia e mendimit”. Në FAB vitin që kaloi piktori prezantonte 71 tablo pikture në akrilik. Peizazhe nga Korça, ky qytet në dimër, Pogradeci, Driloni, apo dhe tablo me tema të tjera sociale u prezantuan në galerinë e Fakultetit të Arteve të Bukura për publikun.

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...