Hedhja e parasë nuk përbën lajm  kur bëhet fjalë për festa shqiptarësh dhe aq më tepër në diaporë.

Në një video të postuar së fundmi, duket qartë sesi dyshemeja e një salle ku janë ulur dhe këndojnë tre këngëtarët e njohur të muzikës popullore Gëzim Nika, Albërie Hatërgjonaj dhe Nikollë Nikprelaj është mbushur me dollarë.

Dhe pse nuk dihet sa është prerja më e vogël, volumi është i madh gjithësesi.

Situata nxehet dhe dollarët vërshojnë "lumë", kryesisht kur këngëtarët ia marrin ndonjë kënge patriotike.

Dhe ne që shohim këto pamje dhe shijojmë nga larg muzikën e bilbilave të këngës popullore nuk na mbetet gjë tjetër veçse të urojmë bashkombasit tanë që gjithmonë paçin, qoftë edhe për të hedhur.