Presidenti i Kosovës, Thaçi, ka thënë se Lugina e Preshevës duhet të jetë pjesë e Republikës së Kosovës, raporton Koha.

Sipas medias kosovare, kreu i shtetit e ka bërë këtë deklaratë gjatë një interviste për “AP”.

Sipas Thaçit, pavarësisht propozimit të Serbisë për shkëmbim territoresh që përfshijnë veriun e Mitrovicës dhe Luginën e Preshevës, kjo e fundit duhet të jetë pjesë e Kosovës.

Ndërsa është i hapur për të diskutuar korrigjimin e kufijve gjatë bisedimeve me palën serbe në Bruksel.

“Çdo ndarje e tillë është e papranueshme. Lugina e Preshevës duhet të bëhet pjesë e Kosovës.” Ka thënë Thaçi gjatë intervistës.