Arrestohet një person për kërcënim ndaj Albin Kurtit

Diel, 29 December 2019 18:36

Policia e Kosovës arrestoi Haxhi Hotin nga radhët e Nismës Socialdemokrate, nën dyshimet për kërcënim ndaj kryetarit të lëvizjes Vetëvendosje, Albin Kurti.

Zoti Hoti përmes një postimi në rrjetin social facebook, kishte shkruar se “John F. Kennedy ishte interes i popullit amerikan që të jetë President, por nuk ishte interes i shtetit amerikan që të jetë President. Albin Kurti është interes i popullit të Kosovës ndoshta, po nuk është interes i shtetit të Kosovës të jetë kryeministër. Albin Kurti i ka dy rrugë: ose ta lëshoj Kosovën ose të vritet”, kishte shkruar ai.

Postimi nxiti shumë reagime pas të cilave ai e fshiu atë duke kërkuar falje në një postim të ri në të cilin tha se “Ishte një gabim teknik i imi, ku mediet pa me pyetur mua e kanë shpërndarë këtë shkrim! Kërkoj falje publike”. Po ashtu ai tha se qëndrimet e tij nuk paraqesin qëndrimet e subjektit të tij politik.

 
 

Policia e Kosovës tha se e ka trajtuar rastin si "shtytje në vrasje" dhe i dyshuari është arrestuar. Tashmë atij i është caktuar masa e ndalimit 48 orësh.

Lëvizja Vetëvendosje, tha se ka paraqitur kallëzim penal ndaj zotit Hoti.

“Ne nuk e dimë nëse ai kërcënim ka qenë i porositur, gjakftohtë, apo i nxitur nga kultura e urrejtjes ndaj Lëvizjes, e cila është kultivuar për vite me radhë nga subjektet e pushtetit, që janë pasuruar paligjshëm duke varfëruar Kosovën. Këto gjëra duhet t’i zbulojë policia e prokuroria”, thuhet në një reagim të lëvizjes Vetëvendosje.

“Megjithatë, rasti ka rrethana rënduese, për shkak se kërcënuesi është pjesë e listës së kandidatëve për Kuvendin e Republikës, nga një parti e koalicionit PAN, të shquar për keqqeverisje e kapje të shtetit. Përveç subjektit të vet partiak, nga postimet e tij publike në rrjete sociale kuptohet se kërcënuesi është edhe adhurues i madh i presidentit të Republikës”, thuhet mes tjerash në postim.

 
 

Kryetari i Këshillit Kombëtar të Nismës Socialdemokrate, Jakup Krasniqi shkroi në një postim në facebook se "Nisma që nga fillimi ka qenë dhe është kundër çdo dhune a kërcënimi. Ishim dhe jemi për drejtësi e shtet ligjor - kushdo që është jashtë kësaj fryme, nuk është NISMË!

 
 

Të dielën zoti Kurti shkroi në facebook: "unë nuk jam John Fitzgerald Kennedy kurse z. Haxhi Hoti nuk është Lee Harvey Oswald. Nuk mund t'i vlerësoj çështjet e sigurisë dhe as të përzihem në ato të drejtësisë, por besoj që do të ishte mirë që z. Hoti të lirohet e ta presë Vitin e Ri 2020 me familjen e tij në shtëpinë e tij".

 
 

Lëvizja Vetëvendosje doli e para në zgjedhjet e parakohshme parlamentare të 6 tetorit dhe kryetari i saj Albn Kurti është kandidat për kryeministër të Kosovës. Negociatat e kësaj lëvizjeje për krijimin e qeverisë në koalicion me Lidhjen Demokratike të Kosovës pritet të ripërtërihen pas dështimit të deritashëm për t'u pajtuar rreth ndarjes së pushtetit.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Sulmi me armë në Tushemisht,ish-deputeti i PD:Biznesi i terrorizuar, Rama po kthen Pogradecin nga qyteti i Lasgushit, në qytetin e kamorrave

Politikë

Sulmi me armë në Tushemisht,ish-deputeti i PD:Biznesi i terrorizuar, Rama po kthen Pogradecin nga qyteti i Lasgushit, në qytetin e kamorrave

  Ish-deputeti i PD Klevis Balliu ka reaguar në lidhje me ngjarjen e ndodhur sot në Tushemisht ku u sulmua me armë një hotel.Ish-deputeti Klevis Balliu deklaroi nga Pogradeci se biznesi...

Tritan Shehu:Qeveria vazhdon te bllokoje laboratoret per aresye te “erta”!

Politikë

Tritan Shehu:Qeveria vazhdon te bllokoje laboratoret per aresye te “erta”!

Qeveria vazhdon te bllokoje laboratoret per aresye te “erta”!Cuditerisht mbas vendimit te “clirimit” te laboratoreve nga pengesat anti shkencore e ndesh me te drejtat e qytetareve per testimet Covid“, vendosen...

I intubuar dhe në gjendje kritike tek Infektivi, artisti ka nevojë urgjente për gjak

Politikë

I intubuar dhe në gjendje kritike tek Infektivi, artisti ka nevojë urgjente për gjak

  Artisti Arben Bajo ka nevojë urgjente për gjak të grupit A negativ të dikujt që ka kaluar koronavirusin. 53-vjeçari Bajo ndodhet në gjendje të rëndë shëndetësore në spital dhe i intubuar...