Takimi në Bruksel, flet koordinatori i Kosovës: Serbia kërkon të zvarrisë dialogun, po tentohet manipulimi

E Enjte, 27 August 2020 20:55

Koordinatori i Kosovës për dialogun, Skënder Hyseni ka deklaruar qartë sot pas takimit në Bruksel se Serbia po tenton të zvarrisë dhe manipulojë procesin

 

Hyseni tregon se sot pala serbe në prani të Miroslav Lajçak i është rikthyer disa çështjeve për të cilat ka pasur dakordësi më parë.

“Pala serbe sot është treguar jokonstruktive. Dhe kjo duhet të theksohet me zë të qartë dhe të lartë. Pala serbe sot madje u është kthyer edhe elementëve për të cilët kemi pas dakordim në parim. Serbia ka bë përpjekje që të rihapë kapitujt të caktuar të marrëveshjes gjithëpërfshirëse për të cilat kemi pasur një dakordim në parim. Krejt kjo vërteton atë brengën, atë shqetësimin që unë kam shfaqur prore se Serbia synon të zvarrisë, të vendosë në tavolinë çështje të cilat kanë vetëm një synim, që procesi të zvarritet e të rrëshqasë eventualisht në diçka që ne assesi s’do ta pranojmë”, ka thënë Hyseni pas takimit.

Më tej Hyseni ka garantuar se për Kosovën do të ketë një marrëveshje sipas kërkesave të saj të deklaruara publikisht.
“Sidoqoftë, Kosova edhe sot ka vazhduar të jetë shumë konstruktive në kuptim të mbrojtjes rigoroze të interesave të saj, por në të njëjtën kohë duke qenë pala që ka përnjëmend këtë proces e synon të arrijë marrëveshje paqeje e normalizimi me Serbinë. Pa shmangshëm kjo marrëveshje duhet të sjellë njohje reciproke midis Kosovës dhe Serbisë. S’mund të ketë asnjë marrëveshje tjetër. Njohja reciproke e krijon atë paradispozitën thelbësore për të trajtuar të gjitha çështjet që mund të ekzistojnë mes shteteve, çështje kontestuese, të interesit të ndërsjellë apo quajeni si të doni. Ka tani çështje të tilla e do të ketë në të ardhmen e përjetësisht do të ketë çështje kontestuese mes dy shteteve sovrane e të pavarura. Do të ketë tema të tilla që në aktualitetin e sotëm s’janë të pranishme, por një ditë mund të dalin. Mirëpo korniza që garanton trajtim dhe zgjidhje e zbatim të çdo marrëveshje të çfarëdo çështjesh që ekzistojnë është njohja reciproke. Pa këtë kornizë ne vetëm mund të rrëshqasim në dhjetë vjetësh tjetër të humbjes së kohës krejtësisht pa nevojë dhe të thellimit të mospajtimeve që edhe ashtu janë të mëdha”, shton Hyseni.
Sa për dyshimet e tij, Hyseni u shpreh i bindur se Kosova nuk do të lejojë manipulim të procesit nga Serbia.

”Nuk duhet të lejohet që procesi të manipulohet nga Serbia. Ka shenja bukur serioze se synohet një manipulim i gjithë procesit”.- garantoi Hyseni.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Greva e naftëtarëve/PAA: Rama të gjejë kush nga qeveria e tij i ndihmoi oligarkët që vodhën 8 milion euro

Politikë

Greva e naftëtarëve/PAA: Rama të gjejë kush nga qeveria e tij i ndihmoi oligarkët që vodhën 8 milion euro

  Partia Agrare Ambientaliste, ka reaguar për greavën e naftëtarëve dhe thotë se kryeministri Edi Rama, duhet të gjejë se kush nga qeveria e tij i ndihmoi oligarkët që vodhën 8...

Kërpaçi-Ballës: Elbasani dhe Shqipëria shtëpi e mafies, keni shpopulluar vendin

Politikë

Kërpaçi-Ballës: Elbasani dhe Shqipëria shtëpi e mafies, keni shpopulluar vendin

  Kryetarja e LRI-së, Floida Kërpaçi i është kthyer kreut të grupit parlamentar të PS-së, Taulant Balla, duke thënë se Rilindja e ka kthyer Elbasanin dhe Shqipërinë në shtëpi të mafies...

Denoncimi i PD, Boçi nxjerr udhëzimin: MAS orienton fëmijët drejt kurseve private, arsimi s’është më falas, jepet me koncesion

Politikë

Denoncimi i PD, Boçi nxjerr udhëzimin: MAS orienton fëmijët drejt kurseve private, arsimi s’është më falas, jepet me koncesion

  Partia Demokratike ka akuzuar ministrinë e Arsimit se kjo e fundit po orienton nxënësit drejt kurseve private, për shkak të situatës së krijuar dhe në shkolla për shkak të COVID-19. Përmes...