Problemi i tretë në pak javë për kompaninë automobilistike Toyota, që ka njoftuar tërheqjen e 1.6 milionë automjeteve në të gjithë botën për “probleme me airbag-un”, pas problemeve që ka pasur edhe me modelet hibridë.
“Ilsole24ore” shkruan se në Europë janë 946 mijë mjete, kryesisht modelet Avensis e Corolla, nga të cilat rreth 81 mijë janë në Francë.
Me 5 tetor kompania e njohur ka njoftuar tërheqjen e 2 milion e 400 mijë veturave me motor hibrid për shkak të një anomalie sa i përket dispozitivit të sigurisë (failsafe) e më herët, me 5 shtator, ka njoftuar tërheqjen e 1 milionë automjeteve hibride për shkak të një problemi teknik që paraqiste rrezik djegie.
https://www.ilsole24ore.com/art/motori/2018-11-01/toyota-terzo-richiamo-poche-settimane-16-milioni-veicoli-problemi-all-airbag-092433.shtml?uuid=AEBOPLZG
